Баулы ГХАТ бүлегендә Ачык ишекләр көне узды
27 март көнне Баулы муниципаль районы Башкарма комитеты ГХАТ бүлеге шәһәренең 2 нче мәктәбенең 7 нче сыйныф укучылары өчен үз ишекләрен ачты. Укучылар алдында «Гаиләнең хокукый нигезе» темасы белән бүлек белгече А.Әхмәтова чыгыш ясады, балаларны ГХАТ органнарын булдыру тарихы белән таныштырды, хезмәт эше турында сөйләде. Елны үткәрү кысаларында укучыларны гражданлык хәле актларын теркәү буенча дәүләт хезмәтләре исемлеге һәм тәртибе белән таныштырдылар. Балалар белән әңгәмәдә Россиядә Гаилә елын үткәрү, гаилә кыйммәтләрен һәм традицияләрен саклау һәм ныгытуның мөһимлеге турында, Баулы шәһәренә китерелгән гаилә уты турында сөйләделәр.
Балалар өчен бүлек бинасы буенча экскурсия оештырылды. Алар тантаналы теркәүләр залында, архивта, гаризалар кабул ителә торган кабинетларда булдылар.Балаларны статистик саннар, районда демография торышы, кияү һәм кәләшләрнең яше, яңа туган балаларның популяр исемнәре кызыксындырды.