Мамадыш районы ГХАТ бүлеге исемнәр буенча ел нәтиҗәләре ясады
Узган ел Мамадыш муниципаль районы башкарма комитеты ГХАТ бүлегендә туу турында 169 акт теркәлгән. Шулай итеп, Мамадышта 88 малайга һәм 81 кызга арткан.
Ата-аналар өчен баланы теркәү өчен иң катлаулы һәм җаваплы эш, әлбәттә, исем сайлау. Һәр ата-ана туган баласының матур һәм яңгыравыклы исеме булуын тели. Шуңа күрә ата-аналар үз исемнәрнең мәгънәсен алдан өйрәнергә тырышалар. Туганнары, дуслары белән киңәшләшәләр.
Күпчелек очракта, ГХАТ бүлегенә яңа туган баланы теркәргә баланың әтисе килә. Әгәр гариза бирүчеләрнең күп өлеше әзер исем белән килә, шулай да документларын күрсәткәндә озак вакытлар уйланып утыручы әтиләрдә бар.
2023 елга исемнәрр буенча нәтиҗә ясап шуны билгеләп үтәргә мөмкин: иң популяр ир–ат исемнәре – Кәрим, Тамерлан, Дмитрий. Бу исемнәрне районның өч гаиләсе сайлады.
Шулай ук популяр исемнәр унлыгына Эмиль, Әлмир, Әмир, Радель, Ислам, Мөхаммәд, Умар, Кирилл, Роман, Евгений керде. Бу исемнәр актлар китабында туу турында ике тапкыр очрый. Сирәк ир-ат Мамадыш исемнәренә Бенёмин, Айлан, Тамир, Гор кертергә мөмкин. Яңа туган балалар арасында иске татар һәм урыс исемнәренең очравы шулай ук күңелгә май булып ята. Аеруча Таһир, Мансур, Наил, Иван, Лука, Артемий, Макар, Тимофей исемнәрен ассызыклап үтәсе килә.
Иң популяр хатын-кыз исемнәре арасында Лиана, Ясминә, Сәидә, Азалия, Айшә исемнәре булды. Өч Мамадыш гаиләсе бу исемгә өстенлек биргән. Шулай ук кызлар арасында популярлар исемнәр исемлегенә Зәринә, Рәлинә, Мәликә, Гүзәл, Самира, Василиса, Дарина, Есения кергән. 2023-нче елда сирәк һәм гадәти булмаган хатын-кыз исемнәре исемлегенә Эльза-Элеонора, Анира, Латифа, Лаура, Азиза исемнәрен кертергә була. Сөмбел, Айсылу, Сәлимә, Галия, Александра, Евдокия, Кира, Ева, Ксения кебек исемнәр халык атарафыннан электән үк яратылып кушылган, мәңге искермәс исемнәрнең кушылуы әлбәттә сөендермичә калдырмый.
Әлбәттә, ата-аналар нинди генә исем сайламасыннар, иң мөһиме-баланың сәламәт булуы һәм бәхетле, тулы, нык гаиләдә үсүе. Шунысын да билгеләп үтәргә кирәк, Мамадыш балалары бәхетле һәм сәламәт булсын өчен район җитәкчелеге тарафыннан бик күп эшләр башкарыла.