ЗАГСтан - сайлау участогына: Чистайдан яшь пар туйлары көнендә сайлауларда катнашты
Бүген — ил Президентын сайлауның өченче, соңгы көне. Чистайлылар тавыш бирүдә актив катнашалар. Алар арасында Ильичевлар гаиләсе дә бар. Яңа өйләнешкән пар үз сайлау участогына Чистай ЗАГСында никахлашу тантанасыннан соң ук килде. Туй көнендә сайлау участогына бару яшь гаиләнең уртак һәм бертавыштан кабул ителгән карары.
— Бу көн безнең өчен гаилә кору белән генә түгел, ә ил тарихында мөһим дата — Россия Президентын сайлау белән дә билгеләп үтелә. Без илнең һәр кешесе үз гражданлык бурычын үтәргә һәм тавыш бирүдә катнашырга, үз сайлавын ясарга, илнең киләчәгенә, димәк, һәр кешенең киләчәгенә битараф калмаска тиеш дип саныйбыз, — дип билгеләп үттеләр Юлия һәм Вячеслав Ильичевлар.
Бу көнне яңа өйләнешкән пар туганнарыннан һәм якыннарыннан гына түгел, ә үз участокларының сайлау комиссиясе әгъзаларыннан да котлаулар һәм бүләкләр кабул иттеләр.