Түбән Кама ГХАТ Идарәсендә 2024 елның беренче яшь пары

2024 елның 12 гыйнвары, җомга

Түбән Кама муниципаль районының ГХАТ Идарәсендә 2024 елның беренче пары теркәлде. Гаилә елында беренче булып, Гыйльметдинов Адель һәм Ярченко Валерия Түбән Кама шәһәренең туй сезонын ачып җибәрделәр. ГХАТ Идарәсе белгечләре яшьләрне истәлекле вакыйгалары белән котладылар, бәхет һәм гаилә иминлеге теләделәр. Шулай ук Адель һәм Валерия 1 нче номерлы пар икәнлекләре турында сертификат һәм истәлеккә китап белән бүләкләнделәр.