"Гаилә учагы" ут капсуласы Татарстан Республикасы Лениногорск районы ГХАТ идарәсенә тапшырылды
Зәй муниципаль районы ГХАТ бүлеге башлыгы Гөлфия Вәлишина һәм Таймасовлар Борис Александр улы һәм Роза Шәйхразый кызы гаиләсе Лениногорск шәһәреннән күп балалы Лобановлар гаиләсенә «Гаилә учагы» капсуласын тапшырдылар.
23 гыйнварда «Россия» Халыкара күргәзмә-форумы кысаларында Россия Федерациясе Президенты Владимир Путин карары буенча Гаилә елы ачылды. Бу тантанага Муромнан Изге Петр һәм Феврониянең туган җиреннән гаилә учагы уты китерелде.
Таймасовлар Борис Александр улы һәм Роза Шәйхразый кызы 2024 елның 23 февралендә «сапфир» юбилейларын билгеләп үттеләр. Борис Александр улы Агрохимсервис һәм Таттрансгаз предприятиеләрендә шофер булып эшләде. Хатыны Роза Шәйхразый кызы көнкүреш хезмәт күрсәтү өлкәсендә һәм Камаз-Автотехника предприятиясендә эшләде, шәһәр Советы депутаты, Коммунистик хезмәт ударнигы булды. Мәхәббәт һәм татулыкта ике кыз тәрбияләделәр, Альбина һәм Олеся. Аларның һәркеме үз бәхетен һәм үз һөнәрен тапты. Бүген Таймасовлар гаиләсенең төп кыйммәте-ике оныгы Аделина, Дмитрий һәм ике оныкчыгы Полина, Матвей.
Лобановлар Константин Александр улы һәм Елена Анатолий кызы гаиләләрен 19 ел элек төзегәннәр. Бергә җиде бала үстерәләр. Константин Александр улы ОПЭ Геонавигация ТНГ-төркемнәренең әйдәп баручы геофизигы вазифасын башкара, ятып җигү буенча спорт мастеры, грек-рим көрәше спорт мастеры кандидаты исеменә ия. Елена Анатолий кызы хәзерге вакытта декрет ялында, әмма өйдәге мәшәкатьләргә карамастан, шәһәрнең иҗтимагый тормышында актив катнаша. Лобановлар гаиләсе спорт тормышы алып бара, балалар кечкенәдән спорт һәм хезмәт белән шөгыльләнәләр. Гаиләдә балаларга рухи-әхлакый тәрбия бирүгә дә зур игътибар бирелә. Лобановлар гаиләсендә тырышлык, үзара ярдәм һәм тирә-юньдәгеләргә ярдәм итү беренче урында тора.
"Россия йөрәге" гаилә учагы капсуласы Лениногорск никахлашу сараенда сакланачак.