«Бу безнең гаиләчә» конкурсында катнашучылар 6 000 бүләк алачак
Конкурсның дистанцион этабы биремнәрен үтәүче «Бу безнең гаиләчә» конкурсында катнашучыларның оештыручылардан призлар алу мөмкинлеге булачак, алар арасында микродулкынлы мичләр, телевизорлар, ноутбуклар, акыллы колонкалар һәм башка бүләкләр. Аларның ияләрен Күзәтчелек советы әгъзалары сайлаячак. «Россия – мөмкинлекләр иле» Президент платформасының халык проектында 102 735 гаилә командасыннан 587 267 кеше катнаша. Татарстан Республикасы буенча - 2166 гаиләдән 12787 катнашучы.
«Бу безнең гаиләчә» конкурсының дистанцион этабы 2024 елның 31 гыйнварында Мәскәү вакыты белән 23:59 сәгатьтә тәмамланачак, ул конкурсның Күзәтчелек советы карары белән озайтылды. Конкурсның финал сынавы «Викторина» булачак, ул катнашучылар өчен 27 гыйнварда ачылачак һәм дистанцион этап тәмамланганчы ачык булачак.
«Бу безнең гаиләчә» конкурсының дистанцион этабында катнашу һәм бергәләп биремнәрне башкару нәтиҗәсендә, гаиләләр гаилә традицияләрен искә төшереп кенә калмый, ә бергә әзерлиләр, спорт белән шөгыльләнәләр, җырлар уйлап табалар һәм җырлыйлар, игелекле эшләр башкаралар, шулай ук күңелле бүләкләр алу мөмкинлеген дә алалар. Конкурсның Күзәтчелек советы әгъзалары һәр биремдә 100дән 600гә кадәр приз иясен сайлый. Дәүләт һәм җәмәгать эшлеклеләре, эшмәкәрләр, фән, мәдәният һәм медицина өлкәсендәге эшлеклеләр конкурс сынауларын үтәүнең оригинальлеген, иҗади якын килүен, яктылыгын, стандарт булмаганлыгын бәяләячәкләр.
Дистанцион этап нәтиҗәләре буенча тиздән округ ярымфиналына чыгачак гаилә командалары билгеләнәчәк. Ярымфиналчылар һәр федераль округта дистанцион этапта тупланган баллар саны буенча билгеләнәчәк. Гаилә командасының округ ярымфиналына керүе турында мәгълүмат аның гаилә аккаунтында этосемейное.рф сайтында урнаштырылачак.
«Бу безнең гаиләчә» конкурсының округ ярымфиналы быел язын узачак, ә җәй көне финалы узачак. Финалистлар һәм җиңүчеләр өчен төп бүләкләр - 300 зур гаилә сәяхәте һәм торак шартларын яхшыртуга 5 миллион сумлык 30 сертификат.