Укчылар - төзәтеп булмаслык оптимистлар
Декабрьдә ГХАТ органнары тарафыннан Укчы йолдызлыгы астында туган сабыйларны теркәү эше башкарыла. Укчы баланың характеры аның төзәлмәслек оптимист, туктаусыз булуын әйтә. 23 ноябрьдән 22 декабрьгә кадәр туган кеше тормышны барлык күренешләрендә дә ярата. Ул куркынычлардан, кыенлыклардан курыкмыйча, тормышны танып белергә ашыга. Аксубай районы үзәгеннән Маслаковлар гаиләсенә дә Укчы дөньяга килә. Аксубай муниципаль районы ГХАТ бүлегендә аларның гаиләсенең яңа әгъзасының исем кушу йоласы булып узды. Анда “Мәрхәмәт-Милосердие” Аксубай муниципаль районы Советында хатын-кыз депутатлар берләшмәсе җитәкчесе Ольга Копанева, Нурлат шәһәренең “Юл хәрәкәте иминлеге” ДБУнең территориаль идарәсенең профилактика бүлеге башлыгы Гөлфия Гыймалтинова, Россия Эчке эшләр министрлыгының Аксубай районы буенча ЮХИДИ бүлегенең административ кануннарын үтәү буенча инспекторы полиция капитаны Илшат Сибгатуллин, юл хәрәкәте иминлеген тәэмин итү өлкәсендәге эшчәнлек юнәлеше буенча муниципаль хезмәтнең әйдәп баручы белгече Татьяна Мартынова катнаштылар. Гаиләнең барлык әгъзаларына кунаклардан һәм бәйрәмне оештыручылардан бүләкләр тапшырылды, ә яңа туган Артемның үз автомобиль креслосы барлыкка килде.