2023 елның 1 енче декабрь көнендә Теләче муниципаль районының ГХАТ секторында “Ачык ишекләр көне” билгеләп үтелде. Шушы уңайдан Теләче урта мәктәбенең 8 енче сыйныф укучылары ГХАТ секторы эшчәнлеге белән якыннан танышты.
ГХАТ секторы җитәкчесе Ә.Х. Тимерханова укучыларга архив китапларының сакланышы, электрон гаризалар бирү ысуллары белән таныштырды. Шулай ук укучылар белән гаиләдә әти-әни роле турында кызыклы мавыктыргыч әнгамә корылды.