Баулы ГХАТ бүлегендә Ана көне алдыннан сабыйларның тууын теркәгәннәр

2023 елның 24 ноябре, җомга

Ана көне алдыннан Баулы ГХАТ бүлегендә өч бала тууын теркәделәр. Бу бәхетле вакыйга Ильяс һәм Алсу, Константин һәм Светлана, Ардашер һәм Нажмия гаиләләрендә була. Бәхетле ата-аналар бәләкәчләргә Ясмина, Александра һәм Сулаймон дигән матур исемнәр бирделәр.

ГХАТ бүлеге хезмәткәрләре гаиләләрне бик җылы котладылар һәм шундый матур көнне теркәлгән сабыйларның бәхетле һәм уңышлы үсәчәгенә ышаныч белдерделәр.