ЗАГСка экскурсия
Тәтеш муниципаль районы Башкарма комитеты загсы бүлегендә Гражданнар оборонасы көллиятенең 104 төркеме курсантлары өчен үзенең укытучысы Елена Владимиров Чернова белән Ачык ишекләр көне үткәрелде. Экскурсиядә курсантлар загс хезмәткәрләренең көндәлек эшләрендә ни белән шөгыльләнүләрен, дәүләт органында нинди хезмәтләр алырга мөмкин булуын белделәр. Балалар тантаналар залын, хезмәткәрләрнең эш кабинетын һәм бүлек архивын күрделәр.
Бүлек җитәкчесе Л.М. Дианова загс органнары төзелү тарихы, гаилә кыйммәтләре һәм гореф-гадәтләре турында сөйләде, балаларга актлар язмаларының кайда һәм ничек саклануын, 40 - 50 ел элек булган теркәү кенәгәләренең ничек чагылыш табуын, гражданлык хәле актларын дәүләт теркәвенең бүген ничек тормышка ашырылуын күрсәтте. Курсантлар акт язмаларының нинди төрләре булуын, архивның ничек формалашуын, бүлекнең статистикасы нинди булуын, никахлашу шартлары нинди булуын, үз фамилиясен, исемен яки атасының исемен алыштырырга теләүчеләргә нәрсә белергә кирәклеген, аталарны уллыкка (кызлыкка) алу һәм алар арасындагы аерма нинди булуын белделәр.
Туу һәм үлем кебек теркәү төрләре дә игътибарсыз калмаган. Балалар техник чаралар ярдәмендә басылган туу турындагы акт язмасын күрделәр һәм аны иске татар һәм латин телләрендә кара белән язылган архив документлары белән чагыштырдылар.
Курсантлар экскурсия вакытында биредә шулай ук законлы никахта гомер кичергән, исем кушу бәйрәмнәре, күп балалы аналарны хөрмәтләү кичәләре үткәрелүен белделәр. Шулай итеп, коледжа курсантлары өчен загс бүлегенә экскурсия бер сәгатькә хокукый мәгълүмат белән тулды. Очрашу барышында районның демография мәсьәләләре күтәрелде.
Бу вакыйга истәлегенә балаларда файдалы мәгълүмат кына түгел, фотографияләр дә калды.