Түбән Кама муниципаль районы ГХАТ идарәсе белгечләре йөклеләр өчен дәресләрдә катнаштылар
Авырлы булу һәр хатын-кыз өчен зур бәхет һәм шатлык. Әни булырга әзерләнгәндә, еш кына медицина гына түгел, ә социаль характердагы төрле мәсьәләләр белән дә очрашырга мөмкин. Аларны кайвакыт үзеңә генә аңлау җиңел түгел, белгечләр ярдәме кирәк.
Шул уңайдан хатын-кызлар консультациясендә атна саен «Сонатал» мәктәбендә Имин бала табуга әзерлек курслары уза, анда булачак әниләр барлык сорауларга җавап таба ала.
Мәктәпнең чираттагы дәресе Йөклеләр көне алдыннан узды. Бу бәйрәм безнең илдә елына 2 тапкыр билгеләп үтелә – 7 октябрьдә һәм 7 апрельдә.
Дәрестә ГХАТ идарәсе башлыгы урынбасары Гөлназ Закирова булачак әниләргә сабыйларны Рәссәй Федерациясенең Дәүләт хезмәтләре порталында «Бала тууы» суперсервисы ярдәмендә теркәү өстенлекләре турында сөйләде һәм барысын да узачак бәйрәм чарасына чакырды.