7 октябрь көнне Нурлат шәһәренең Халыклар дуслыгы йортында Өлкәннәр көненә багышланган концерт уздырылды
Концертка шәһәрнең һәм районның көмеш яше вәкилләре - төрле тармак ветераннары, шулай ук уртак тормышның алтын юбилярлары чакырылды. Гатиннарның гаилә стажы 50 ел. Шәүкәт Шәфигулла улы колхозда «21 нче Партсъезда» икътисадчы булып эшләгән, соңрак «Красный восток-Агро» бухгалтер булып эшләгән. Хатыны Фәния Хаҗип кызы 40 ел Иске Әлмәт участок хастаханәсенең даруханә пунктында эшләде.Алар өч малай тәрбияләп үстергәннәр. Хәзерге вакытта җиде оныкны тәрбияләүдә булышалар һәм аларнын уңышлары белән горурланалар. Мусиннарның гаилә стажы 50 ел. Николай Семен улы ТАССРның атказанган агрономы, 45 ел чамасы агроном булып эшләгән, «Россия» колхозында һәм «Надежда» агрофирмасында эшләгән. Валентина Ефим кызы РАЙПО системасында Егоркин РТПында сатучы булып эшләгән. Алар ике малай үстергәннәр. Хәзерге вакытта җиде оныкны тәрбияләүдә булышалар. Татарстан Республикасының экология һәм табигый байлыклар министры Александр Валерий улы Шадриков юбилярларны бергә яшәүнең 50 еллыгы белән котлады, аларга истәлекле бүләкләр тапшырды. Нурлат муниципаль районы һәм Нурлат шәһәре башлыгы Дамир Азат улы Ишкинеев юбилярларга хөрмәт һәм рәхмәт сүзләрен җиткерде.