Мамадышта «Гаилә командасы» исемле искиткеч гаилә спорт фестивале узды
Анда район мәктәпләре һәм предприятиеләре, шәһәрнең балалар мәктәпкәчә учреждениеләре командалары катнашты. Әлеге чараның инициаторы булып Татарстан Республикасының «Беренчеләр хәрәкәте» балалар һәм яшьләр хәрәкәтенең төбәк бүлеге чыгыш ясады.
Район башкарма комитетын бүлек белгече күп балалы әни Дамира Маннанова яклады. Хезмәттәшебезнең кече улы фестивальнең иң яшь катнашучысы һәм бөтен бәйрәмнең кумиры булды.
Фестивальдә катнашучылар гаилә эстафетасын йөгерделәр һәм бөтен гаиләләре белән ГТО нормативларын тапшыруда катнаштылар.
Нык көрәш нәтиҗәсендә 1 нче урынны Хурамшиннар гаиләсе яулый, 2 нчеурынны Галимбәковлар ала, 3нче урынны Хәйруллиннар ала!
Иң яхшы гаилә командаларын бүләкләү тантанасында өстәмә рәвештә аерым номинацияләрдә дипломнар һәм кыйммәтле бүләкләр белән бүләкләү каралган: иң өлкән гаилә командасы, иң яшь команда, фестивальнең иң өлкән катнашучысы һәм иң яшь катнашучысы. Һәр бүләк үз хуҗасын тапты.