Мамадыш районының ЗАГС бүлеге ветераннарын Өлкәннәр көне уңаеннан тәбрикләү чарасы узды
Өлкәннәр көне уңаеннан муниципалитетның административ бинасында Мамадыш муниципаль районы Советы һәм Башкарма комитеты ветераннарын хөрмәтләделәр. Бәйрәмгә Мамадыш ГХАТ бүлеге ветераннары, экс-җитәкчеләр һәм хезмәткәрләр – Дания Вәгыйз кызы Мөхәммәтшина һәм Әлфия Мөхәммәтдин кызы Сингатуллина, Фәния Сәлих кызы Әхмәтшина, Рәмзия Гасим кызы Мәснәвиева чакырылган иде.
Барлык җыелганнарны бәйрәм белән район башлыгы котлады. Анатолий Иванов барысына да бәхетле картлык һәм нык сәламәтлек теләде.
ЗАГС ветераннарын бүлекнең баш белгече Фәния Шамил кызы Гаязова каршы алды, ул бүлектә 25 елдан артык эшли һәм һәр ветеран белән эшләргә өлгерде. Кызганычка каршы, барлык чакырылган ветераннар да бу матур бәйрәм уңаеннан тантаналы кабул итүдә катнаша алмады. Шулай да очрашу күңелле хатирәләр, хезмәт биографиясеннән кызыклы хикәяләр белән үрелеп бик җылы узды.