"Йөрәк тибеше аша..." - Азнакай районында йөкле хатын-кызлар белән очрашу
2023 елның 09 ноябрендә Азнакай шәһәре ГХАТ бүлегендә Азнакай муниципаль районы хатын-кызлар җәмгыяте инициативасы белән «Яшь ата-аналар мәктәбе» проекты кысаларында бала табуга әзерлек, гаилә кыйммәтләрен саклау һәм балаларны бишек җыры ярдәмендә рухи-әхлакый тәрбияләүнең төп мәсьәләләре буенча йөкле хатын-кызлар белән чираттагы очрашу узды. Катнашучыларга сәламләү сүзе белән Башкарма комитет җитәкчесенең социаль мәсьәләләр буенча урынбасары Гыйләҗев Д.Р. мөрәҗәгать итте. Чарада акушер–гинеколог табиб Мөхәммәтов Ш. Ф. катнашты, ул йөклелек вакытында дөрес туклану принциплары турында сөйләде. Психолог Никонорова О.О. гаилә кыйммәтләре һәм традицияләре турында әңгәмә үткәрде. Булачак әниләр сөйләшүдә катнаштылар, үз фикерләре белән уртаклаштылар. Традицион гаилә рәвеше, бала туу һәм тәрбияләү мәсьәләләре буенча әнгәмә алып барылды. Азнакай районы хатын-кызлар советы әгъзасы Г. С. Хафизова булачак әниләргә балалар-ата-аналар турында бишек җырының әһәмияте турында сөйләде. Азнакай шәһәре һәм Азнакай районы Мөхтәсибәтенең Имам-Мөхтәсибе А.А. Талибуллин яңа туган балага исем сайлаганда үгет-нәсихәт бирде, исемнен бала язмышына йогынтысы турында сөйләде. Шулай ук чарада ЗАГС бүлеге башлыгы тарафыннан дәүләт хезмәтләре порталында «бала тууы» Суперсервисы аша бала тууын теркәү буенча төп тәкъдимнәр бирелде. Булачак әниләр белгечләргә үзләрен кызыксындырган сораулар бирделәр. Чара ахырында булачак әниләргә истәлекле бүләкләр тапшырылды, имин йөклелек, ныклы сәламәтлек, уңай эмоцияләр һәм күңелдә гармония теләкләре яңгырады.