''Семьеведение” дәресе Яңа Ирай урта мәктәбендә
Аксубай районы ГХАТ бүлеге, район мәгариф бүлеге белән берлектә, 2023 елда Аксубай районының барлык урта мәктәпләрендә «Семьеведение» дәресләрен үткәрү турында карар кабул итте. Кайбер мәктәпләрнең район үзәгеннән ераклыгы зур булу сәбәпле, ГХАТ бүлеге белгечләренең район мәктәпләренә китүе турында карар кабул ителде. 28 сентябрьдә “Яңа Ибрай урта мәктәбе” муниципаль бюджет мәгариф учреждениесендә беренче дәрес узды. ГХАТ бүлеге мөдире Светлана Крайнова тыңлаучыларны Россия Федерациясендә гражданлык хәле актларын рәсмиләштерү органнарының тарихы һәм үсеше белән таныштырды, традицион гаилә кыйммәтләрен ныгыту, гаиләнең уңай образын булдыру буенча Россия Федерациясе Хөкүмәте куйган максатлар һәм бурычлар турында сөйләде. Укучылар, үз чиратларында, бик матур мәктәп музее буйлап экскурсия үткәрделәр.