Республика көнендә тууны теркәү

2023 елның 31 августы, пәнҗешәмбе

30 августта Татарстан Республикасы көнендә Бөгелмә шәһәренең ЗАГС бүлегендә тантаналы хәл хөкем сөрде. ЗАГС бүлеге белгечләре яңа туган сабыйларның тууын теркәүне үзенчәлекле итеп башкардылар. Яңа туган балаларның әти-әниләрен бәйрәм белән котладылар һәм туу турында таныклык белән бергә Татарстан флагы символы булган тасмалар тапшырдылар. Татарстан Республикасы көне-безнең республика өчен бик мөһим бәйрәм һәм төбәк халкының күпчелеген тәшкил иткән татар халкының гореф-гадәтләрен һәм мәдәниятен хөрмәтләү өчен сәбәп.