Гаилә тормышы юбилярлары

2023 елның 18 августы, җомга

2023 елның 18 августында Питрәч районы Башкарма комитетының ГХАТ бүлегендә Мөхәммәтгәрәевләр Шәүкәт Әсгәр улы һәм Мөкаримә Касыйм кызының бергә яшәүләренең 50 еллыгы уңаеннан тантаналы чара узды. Чарада Үзбәкстан, Төркия, Татарстан кунаклары катнашты. Юбилярларның зур гаиләсе бар: алар өч кыз үстергән, аларны биш оныгы һәм бер оныкчыгы сөендерә.

50 ел элек булган кебек, ир белән хатын үз имзаларын калдырдылар, әмма хәзер инде Питрәч районының Мактаулы юбилярлар китабында. ГХАТ бүлеге башлыгы юбилярларга чак-чак милли ризыгын тапшырды, аның килеп чыгышы турында сөйләде. Музыкаль бүләк итеп Ленин-Кокушкино авылы Яшьләр үзәгенең «Карамельки» балалар вокаль ансамбле Идел буе халыклары җырларына попурри башкарды.