Саба ГХАТ бүлеге җитәкчесе җирле радио эфирында

2023 елның 15 августы, сишәмбе

“Дулкын” радиосында “Гаилә бәхете” дип аталган сәхифә бара. 15 август кичендә анда Саба Гражданлык хәле актларын теркәү бүлеге җитәкчесе Гөлнар Илдар кызы Шафикова чыгыш ясады. Һәр кешегә туган көненнән башлап кирәк булган документлар, гражданлык хәле актларын теркәү мәсьәләләре, яңалыклар, район буенча саннар, гражданнарның хокукларын яклауны тәэмин итүдә максатчан эшчәнлек хакында, бүлек тарафыннан алыпбарылучы проектлар, бәйгеләр турында җанлы әңгәмә булды.