Әгерҗе муниципаль районы башкарма комитетының ЗАГС бүлегендә 100 нче сабый теркәлде

2023 елның 7 августы, дүшәмбе

Әгерҗе районы ЗАГС бүлегендә ел саен матур гадәт буенча 100 нче баланы теркәү үткәрелә.

Бала туу- һәрвакыт зур һәм сөенечле вакыйга. Азат һәм Алина Хисматовлар гаиләсендә дә көтеп алынган нәниләре- Азамат дөньяга аваз салды. ЗАГС бүлеге тарафыннан аларның малайлары туу бик кызыклы үтте. Хисматов Азамат Азат улының әти-әнисенә тантаналы рәвештә малайлары  туу турында таныклык тапшырылды һәм ЗАГС бүлеге хезмәткәрләре тарафыннан бик күп җылы сүзләр әйтелде. Бәхетле әти-әнигә гаилә бәхете һәм тигез мәхәббәт, малайларының сәламәт булып үсүен теләделәр.