Баулы районында "Мәхәббәт һәм тугрылык өчен” медаль тапшырылды
Мәхәббәт һәм тугрылык көнендә Бахтияровлар Михаил Яковлевич һәм Юлия Семеновна «Мәхәббәт һәм тугрылык өчен»медале белән бүләкләнделәр.
Дистә еллар буе кулдан-кулга яшәгән, үз йортларында бер-берсенә хөрмәт, ышаныч, кайгыртучанлык хөкем сөргән нык гаиләләр барыбыз өчен дә зур үрнә Бәхтияровлар нәкъ менә шундый гаилә. Бәхтияровлар 45 елдан артык бәхетле никахта яшиләр. Алар үз мәхәббәтләрен һәм тугрылыкларын озак еллар гаилә тормышында кичергәннәр.
Бәхтияровлар 45 елдан артык бәхетле никахта яшиләр. Алар үз мәхәббәтләрен һәм тугрылыкларын озак еллар гаилә тормышында кичергәннәр. Гаилә башлыгы Бәхтияров Михаил Яковлевич Баулы районы Урустамак Покровский авылында туган. Михаил Яковлевичның бөтен хезмәт биографиясе авыл хуҗалыгы белән бәйле. Төрле елларда ул бригадир, азык җитештерү буенча рәис урынбасары булып эшли, лаеклы ялга чыкканчы «Колос» авыл хуҗалыгы җитештерү кооперативында баш зоотехник булып эшли. Эштәге югары казанышлары өчен Михаил Яковлевич берничә тапкыр район һәм республика дәрәҗәсендәге Мактау грамоталары, Россия Федерациясе Авыл хуҗалыгы министрлыгының Мактау грамотасы белән бүләкләнә.
Бәхтиярова Юлия Семеновна Баулы районы Ваешур авылында туган. Мәктәпне тәмамлагач Юлия Семеновна үзенең хезмәт эшчәнлеген Баулы шәһәренең "Ромашка" балалар бакчасында тәрбияче вазифасында башлый.
1982 елның июнендә Покров Урустамак авыл Советы секретаре итеп сайлана. Соңыннан берничә тапкыр авыл җирлеге депутаты итеп сайлана, лаеклы ялга чыкканчы, авыл Советы секретаре булып эшли. Күпьеллык хезмәт эшчәнлеге дәвамында Юлия Семеновна намуслы хезмәте өчен Мактау грамоталары, Рәхмәт хатлары белән бүләкләнә. «Хезмәт ветераны»дигән мактаулы исемгә ия.
Бәхтияровлар ике бала тәрбиялиләр. Бәхетле гаил үз йортларында яши, аның ишекләре кунаклар өчен һәрвакыт ачык, ә өстәл оста хуҗабикә әзерләгән сыйлар белән тулы.
Шәһәр мәйданында Бахтияровлар гаиләсен бөтен шәһәр сәламләде. Баулы муниципаль районы башлыгы урынбасары Р.Г. Хәмидуллин тантана сәбәпчеләрен җылы котлады һәм «Мәхәббәт һәм тугрылык өчен» медаль, бүләк һәм чәчәкләр тапшырды.