Арча районында Гаилә, мәхәббәт һәм тугрылык көнендә никах теркәү тантанасы

2023 елның 10 июле, дүшәмбе

2023 елның 08 июлендә Гаилә, мәхәббәт һәм тугрылык көнендә Татарстан Республикасы Арча муниципаль районы ГХАТ бүлегендә 4 пар никахларын тантаналы рәвештә теркәделәр.

Бу көнне бәхетле парлар залга Мендельсонның туй маршы астында кереп, чиксез мәхәббәт билгесе итеп балдаклар алмаштылар.

Район хатын-кызлар советы рәисе Гатауллина А.М. бәйрәм шартларында район башлыгы И. Г. Нуриев исеменнән котлау адресы, чәчәкләр тапшырды. Бу матур вакыйганы тантана көнендә булган якыннары уртаклашты.