Әлмәт шәһәрендә "Мәхәббәт һәм тугрылык өчен" медальләрен тапшыру
2022 елның 28 июнендә Россия Президенты Владимир Путин 411 Указга кул куйды, ул 8 июльне Гаилә, мәхәббәт һәм тугрылык көне дип рәсми рәвештә билгеләде.
Әлмәт шәһәрендә гаилә тормышы юбилярларын хөрмәтләүгә багышланган тантаналы чара узды. «Мәхәббәт һәм тугрылык өчен» медале - Россия Федерациясендә гаилә, мәхәббәт һәм тугрылык көнен үткәрү буенча Оештыру комитеты тарафыннан гамәлгә куелган иҗтимагый бүләк. Россиядә мәхәббәт символы булган ромашка рәвешендәге мактаулы бүләк белән 25 ел элек никахларын теркәгән, мәхәббәт һәм тугрылыкка нигезләнгән, үз хезмәтләре белән иминлеккә ирешкән һәм балаларын үз илләренең лаеклы гражданнары итеп тәрбияләгән ныклы мөнәсәбәтләр үрнәге булган ир белән хатын бүләкләнә.
Әлмәт муниципаль районы башлыгы Нагуманов Т.Д. исеменнән Әлмәт районы башкарма комитеты җитәкчесенең социаль мәсьәләләр буенча урынбасары Лаптева Светлана Владимир кызы Лаптев һәм Мортазин гаиләләренә “Мәхәббәт һәм тугрылык өчен»медальләрен тапшырды.
Лаптевлар Николай Александр улы һәм Галина Евгений кызы 48 ел бәхетле никахта яшиләр. Ике кызы, Оксана һәм Ирина, Әлмәт дәүләт нефть институтын тәмамлагач, нефтьчеләр династиясен дәвам итәләр һәм бу өлкәдә эшлиләр. Лаптевлар династиясенең «Татнефть» системасында гомуми эш стажы 108 ел тәшкил итә. Ике оныкның бәхетле .исе һәм бабасы.
Шулай ук 42 ел бергә яшәгән Надил Карам улы һәм Флера Гатуф кызы Мортазиннар гаиләсе бүләкләнде. Алар бөтен гомерләрен мәгариф системасына һәм балаларны тәрбияләүгә багышладылар. Гомуми педагогик стажы 412 ел тәшкил иткән Мортазиннар династиясен дәвам итүчеләр: Надил Карам улы 36 еллык стажы булган алыштыргысыз җитәкче, Татарстан Республикасының атказанган укытучысы, хатыны Флера Гатуф кызы 41 еллык укыту стажы булган укытучы. Ир белән хатынның төп казанышы һәм төп кыйммәте-аларның 2 баласы һәм өч оныгы, алар белән горурланалар!
Бер – берсенә сакчыл караш, мәхәббәт һәм үзара аңлашу-аларның гаилә бәхетенең нигезе. Бу матур кешеләр районның яшь буыны өчен искиткеч ныклык һәм яшәү ярату үрнәге булып тора. Без районның лаеклы гаиләләрен медальләр алулары белән котлыйбыз һәм аларга алга таба да уңышлар телибез!