«Михаил Нефедов: гаилә, мәхәббәт турында вакыт һәм мәңгелек аша» күргәзмәсенең ачылышы
А.С. Пушкин исемендәге Мәдәни үзәктә бүген, 2023 елның 7 июлендә, рәссам, Россия Рәссамнар берлеге әгъзасы Михаил Нефедовның «Михаил Нефедов: гаилә, мәхәббәт турында вакыт һәм мәңгелек аша» күргәзмәсе ачылды, ул Изге князь Петр һәм княгиня Феврония Муромскийларны искә алу көненә багышланган.
Михаил Нефедовның эшләре - тере, хисле пейзажлар, психологик яктан нечкә портретлар, оригиналь, кабатланмас стильдә эшләнгән эмоциональ, динамик рәсем сәнгате әсәрләре.
Ачылу тантанасында Россия Федерациясе Федерация Советы Дәүләт Думасы депутаты Т.П. Ларионова, Татарстан Республикасы Министрлар Кабинетының ГХАТ Идарәсе башлыгы Г.Р. Нигъмәтуллина, гаилә, ана булуны һәм балаларны яклау мәсьәләләре буенча Епархия комиссиясе рәисе Иерей Ярослав Петрущенков катнашты. Г.Р.Нигъмәтуллина Нефедовлар гаиләсен, Михаил Кузьмич һәм аның хатыны Галина Григорьевнаны 2023 елның маенда булып узган гаилә тормышының 60 еллык юбилее белән котлады һәм намуслы хезмәте һәм традицион гаилә кыйммәтләрен ныгытуга һәм популярлаштыруга керткән зур өлеше өчен рәхмәт белдерде.
Күргәзмә 8 июльдән 13 сентябрьгә кадәр ачык булачак.