Түбән Камада бала туу турында меңенче акт теркәлде

2023 елның 14 июне, чәршәмбе

Гөлнара һәм Рамил Гайфуллиннар гаиләсендә шатлыклы вакыйга булды. Бәхетле ата-ана яңа туган кызларына Алинә исеме кушты.

Ата-ана Россия Федерациясе Дәүләт хезмәтләре порталында «Бала тууы» суперсервисын кулланып, тууны электрон рәвештә теркәүне сайлаган. Бу исә дәүләт хезмәтләренең шәхси кабинетында да, кәгазь форматта да юридик яктан әһәмиятле документны җиңел һәм тиз алырга мөмкинлек бирә.

Гайфуллиннар гаиләсен кызлары тууы белән чын күңелдән котлыйбыз! Аның акыллы, сәләтле һәм ярдәмчел кыз булып үсүен телибез, аның тормышы бәхетле һәм якты булсын!