Хөрмәтле ватандашлар!
Сезне дәүләт бәйрәме – Россия көне белән котлыйм. Бу дата күпмилләтле илебездә яшәүче халыкларның бердәмлегенең, азатлык, демократия һәм гаделлекнең какшамас кыйммәтләре тирәсендә россиялеләрнең берләшүенең якты символына әверелде.
Россия дәүләтчелеге, гражданлык һәм патриотизмның күп гасырлык традицияләренең өзелмәс бәйләнешен гәүдәләндереп, бу бәйрәм Россия Федерациясенең һәр гражданына аның бүгенгесе һәм киләчәге өчен җаваплылыгын ассызыклау өчен билгеләнгән.
Нык сәламәтлек, гаилә иминлеге, тынычлык һәм яраткан Ватаныбызга чәчәк ату теләкләрен кабул итегез!
Идарә Башлыгы Г.Р. Нигъмәтуллина