1 июнь көнне Минзәләдә балаларны яклау көненә багышланган бәйрәм узды
Чарага килгән малайларга һәм кызларга театральләштерелгән тамаша күрсәтелде. Анда катнашучыларны район башкарма комитеты җитәкчесе урынбасары Неля Бикеева котлады.
Районда күп кенә талантлы балалар яши, алар фән олимпиадаларында, конкурсларда, фестивальләрдә җиңүчеләр һәм призерлар булалар. Дүрт ел дәвамында безнең районда мәктәпкәчә яшьтәге һәм кече яшьтәге укучылар арасында “Яшь мастер” чемпионаты уза. Катнашучылар үзләрен төрле һөнәрләрдә һәм эшчәнлек өлкәләрендә һөнәри осталыкта сынап карыйлар. Быел 143 яшь Минзәләле 18 компетенция (һөнәр) буенча чемпионатта көч сынашты. Республика этабында 12 алтын, 9 көмеш һәм 10 бронза медаль яулана.
Сәхнәгә BABYSKILLS төбәк-ара чемпионатының дүртенче региональ этабы җиңүчеләре, «сәламәтлек кибете» проекты җиңүчеләре, «балалар күзләре белән дөнья» дип аталган балаларны яклау көненә багышланган рәсемнәр конкурсы җиңүчеләре чакырылган иде.
Быел балалар Халыкара гаилә көненә багышланган «Минем гаиләм-минем байлыгым» рәсем конкурсында актив катнаштылар. Конкурска 6 белем бирү оешмасыннан 20 эш тәкъдим ителде. Алар барысы да грамоталар һәм бүләкләр алу өчен сәхнәгә күтәрелделәр.
Бәйрәмдә ОВЗ белән авыручы балалар өчен махсус яраклаштырылган «Любопытный слоненок» спектакле күрсәтелде, конкурслар, уеннар оештырылды, бәйрәм дискотекасы узды.