Теләче районы гражданлык хәле актларын теркәү бүлегендә беренче тапкыр «Бала туу» суперсервисы ярдәмендә бала теркәлде

Сервис кысаларында Бала тудыру йортларындагы табиблар ата-аналарга медицина таныклыгын электрон рәвештә рәсмиләштерергә тәкъдим итә. Бу таныклык һәм санлы портал профиле мәгълүматлары туу турындагы гаризаны тутыру өчен кулланыла. Ата-аналарга белешмәләрне расларга, балага исем һәм ЗАГС органын сайларга кала, ул соңыннан тууны ата-аналарсыз теркәячәк. Герблы туу турында таныклык ата-аналарның шәхси мөрәҗәгате нигезендә, соңрак ГХАТ бүлегендә тапшырыла. 

Теләче районында гомер итүче Вәлиәхмәтовлар гаиләсе беренчеләрдән булып суперсервис ярдәмендә яңа туган сабыйларын теркәделәр. Сабыйга матур Ильвина исемен тәкъдим иттеләр.