Балтач районы ГХАТ бүлегендә "Бала туу" суперсервисы кысаларында туу турында беренче акт теркәлде

2023 елның 5 мае, җомга

2023 елның 04 май көнендә Балтач районы ГХАТ бүлегендә "Бала туу" суперсервисы кысаларында туу турында беренче акт теркәлде. Чочоковлар гаиләсендә беренче бала дөньяга аваз сала. Әти-әни балага матур, мәгънәле Арсений исемен кушалар.  «Бала туу» суперсервисы ата-аналарга дәүләт хезмәтләре порталындагы шәхси кабинеттан ГХАТ органына кирәкле электрон документларны өйдән чыкмыйча җибәрергә мөмкинлек бирә, бу аларны күп кенә кәгазь документларны рәсмиләштерүдән коткара һәм вакытны шактый экономияли.