Ирле-хатынлы Махнюк Михаил Федосей улы һәм Саида Ибраһим кызы Бриллиант туйларын билгеләп үтәләр

2023 елның 1 июне, пәнҗешәмбе

Юбилярлар туристлар клубында поход вакытында таныштылар. Ә 1963 елның 1 июнендә Казанда никахлары булды.

Михаил Федосей улы озак еллар шәһәр комитетында партия линиясе буенча инструктор булып эшләде, Сәида Ибраһим кызы конструкторлык бюросында эшләде.

Бәхетле никах елларында ир белән хатын бер ул һәм бер кыз тәрбияләгәннәр, хәзер 13 оныкның уңышларына шатланалар. Алар 60 ел буе бер-берсен яратып, хөрмәт итеп, аңлап яшиләр.

Юбилярларны ГХАТ идарәсе башлыгы Равилә Гыйльметдин кызы Зарипова һәм Яр Чаллы шәһәре Үзәк район хакимияте башлыгы Эдуард Рафаил улы Фәттахов котлады.