Түбән Кама районының ГХАТ идарәсе белгечләре Гомуми җыелыш делегациясе әгъзалары алдында мәктәпкәчә яшьтәге балалар өчен дәрес үткәрделәр

2023 елның 28 апреле, җомга

Татарстан Республикасында «Бердәм Россия» депутат партияләренең күчмә гомуми җыелышы кысаларында делегация әгъзалары «Баланы үстерү үзәге –«Эврика» 100 нче балалар бакчасында булдылар. Әлеге вакыйга уңаеннан ГХАТ идарәсе белгечләре балалар бакчасында тәрбияләнүчеләр өчен «Минем гаиләм» дигән дәрес үткәрделәр.

Дәреснең максаты - балаларда үз гаиләсенә карата горурлык хисе тәрбияләү һәм гаилә традицияләре белән кызыксынуны үстерү. Бу чара өчен гаилә фотосурәтләре белән күргәзмә әзерләнгән иде һәм балалар үзләренең ата-аналары һәм гаилә әгъзалары турында сокланып сөйләделәр.

Кунаклар мәктәпкәчә яшьтәге балаларда гаиләнең традицион моделен аңлауның мөһимлеген билгеләп үттеләр.