Баулы районы ГХАТ бүлегендә «Георгий тасмасы» дигән патриотик акция башланды
Бүген 25 апрельдә Россиядә ел саен үткәрелә торган «Георгий тасмасы» акциясе старт алды. Хәзерге Россиядә Георгий тасмасы фашизмга каршы көрәштә совет халкының батырлыгын тану һәм хәтер символына әверелә. Соңгы берничә елда символның мәгънәсе киңәйде. Бүген Георгий тасмасы-төрле тарихи чорларда Ватанны саклаучыларга хөрмәт һәм рәхмәт символы. ГХАТ бүлеге инде традиция буенча әлеге патриотик акциягә кушылды.
Беренче тасма ГХАТ бүлегенә бала туу турында гариза белән мөрәҗәгать иткән Марат Фәнил улы Гафуровка тапшырылды. Гаиләләрендә 8 яшьлек Марсель һәм 6 яшьлек Самира тәрбияләнгән Марат һәм Регина Гафуровлар гаиләсендә уллары Самат туа. Бала тугач, гаилә күп балалы гаилә статус ала.
ГХАТ бүлеге башлыгы С. Т. Мурсалимова бәхетле әтине улы тууы белән җылы котлады, яңа туган баланың беренче документын – туу турында таныклыкны һәм георгий тасмасын тапшырды.