3 нче апрель көнне Яңа Чишмә районы ГХАТ секторында гаилә тормышы юбилярларын хөрмәтләделәр
Зирекле авылыннан Гатиннар Гөсман Мингали улы һәм Фәүзия Габдулла кызы, Акъяр авылыннан Заляевлар Замил Камил улы һәм Гөлия Сәгыйт кызы 50 ел бергә яшиләр, ә Дорониннар гаиләсе Александр Иванович һәм Надежда Сергеевна сапфир туйларын билгеләп үткәннәр.
Юбилярларны район башлыгы Вячеслав Козлов котлады.
"Сезнең мәхәббәтегез һәм бер-берегез турында кайгыртуыгыз, тугрылыгыгыз гаилә бәхете һәм иминлеге нигезе. Сезнең гаиләләр Яңа Чишмә районының күп кенә яшь парлары өчен үрнәк булып тора. Өегездә һәрвакыт өй учагының җылы яктысы янсын, балалар һәм оныклар уңышлары белән сөендерсен, зур гаилә тулылансын һәм һәрвакыт балаларның көлүләре ишетелсен,” - дип теләде район башлыгы.
Районның яшь гражданнарына махсус операциядә катнашучы Андрей һәм сугышчы Алексейның әнисе Наталья Валентиновна тантаналы рәвештә һәр россияле тормышындагы төп документны - Россия Федерациясе гражданины паспортын тапшырдылар. Алар Яңа Чишмәлеләргә билгеләнгән тормыш юлы буенча нык барырга, куелган максатларга ирешергә, Россия Федерациясе гражданы исемен лаеклы йөртүләрен теләделәр.
Акъяр авылыннан Наиль һәм Илүсә Дәүләтшиннарның яшь гаиләсенә күп балалы гаилә таныклыгы һәм 29 яшькә кадәрге өченче бала тапкан хатын-кызга бер тапкыр бирелә торган 100 мең сумлык сертификат тапшырдылар.