Түбән Кама муниципаль районы ГХАТ Идарәсе белгечләре 97нче балалар бакчасында «Гаилә тәрбиясе әлифбасы» дәресе үткәрделәр

2023 елның 20 марты, дүшәмбе

Нәрсә ул бәхет? Бу сорауга җавапны без бүген Халыкара бәхет көненә багышланган «Гаилә тәрбиясе әлифбасы» дәресендә Түбән Кама шәһәренең 97нче «Күчтәнәч» балалар бакчасында тәрбияләнүче балалар белән бергә эзләдек.

Балалар белән бергәләшеп без бәхет турында һәм ни өчен кеше тормышында гаилә шундый мөһим урын алып торуы турында сөйләштек, табышмаклар чиштек һәм әкиятләр тыңладык, ә дәрес ахырында аларны тәмле алмалар белән сыйладык.