Түбән Кама районы ГХАТ Идарәсе шәһәрнең иң яхшы Яңа ел мәйданчыкларын бүләкләү тантанасында «Тылсымлы әкиятләр, кышкы төшләр» номинациясендә бүләкләнде

2023 елның 16 гыйнвары, дүшәмбе

Бүген Советлар Йортында узучы атналык киңәшмәдә Түбән Кама шәһәренең иң яхшы Яңа ел мәйданчыкларын бүләкләү тантанасы узды. Түбән Кама районы ГХАТ Идарәсе «Тылсымлы әкиятләр, кышкы төшләр» номинациясендә дипломга лаек булды.

ГХАТ Идарәсе коллективы бинаны яңа елга бизәгәндә креативлыгын һәм иҗади сыйфатларын күрсәтте. Никахлашу сарае кунаклары да бизәлешне бик ошаттылар һәм җылы кабул иттеләр.