Чистай муниципаль районы ГХАТ бүлегенең 2022 ел эше турында

2022 елның 28 декабре, чәршәмбе

2022 ел ахырына якынлаша. Эшкә йомгак ясарга вакыт. Ел башыннан Чистай районы ГХАТ бүлегендә 511 бала тууы теркәлгән. Шуларның 258е-малайлар, 253е-кызлар.

Быел популяр исемнәр:

- Артем, Александр, Мирон, Марк, Матвей, Әмир, Артур, Вилдан;

- Әминә, Арина, Василиса, Хаува, Ясмина, Анна, Мәликә.

Сирәк исемнәр:

-Ифора, Афина, Оливия, Каталина, Дара;

- Арон, Аяз, Дилан, Лион, Элиша.

Гражданлык хәле актларын теркәү төрләре буенча түбәндәге динамика күзәтелде:

Узган ел белән чагыштырганда никахлашу саны 34% ка артты. 2022 елда 484 никах теркәлгән (2021 елда - 360).

Аерылышу актлары саны узган ел дәрәҗәсендә калды.