Урыссу бистәсеннән Багдановлар гаиләсе 55 ел бергә яшиләр
Бүген, 2 нче декабрь көнне, Фәнил Таһир улы һәм Тәгъзимә Бәзгетдин кызы Багдановларны олы юбилейлары белән Ютазы муниципаль районы башкарма комитеты җитәкчесенең социаль мәсьәләләр буенча урынбасары Сергей Рузанов һәм ГХАТ бүлеге җитәкчесе Гүзәлия Фәхертдинова котладылар, юбилярларга истәлекле бүләкләр һәм котлау адреслары тапшырдылар.
Фәнил һәм Багдановлар 1967 елның 2 декабрендә өйләнешәләр. Фәнил Таһир улы Уфа шәһәрендә, Тәгъзимә Ютазы районының Кыска Елга авылында туа. Алар балачаклары һәм яшьлекләре үткән Ютазы авылында очрашалар, Туйдан соң яшь гаилә Урыссу бистәсенә күчеп килә. Фәнил Таһир улы автотранспорт предприятиесенә машина йөртүче, ә Тәгъзимә Бәзгетдин кызы ягулык станциясенә оператор булып урнаша. Алар лаеклы ялга чыкканчы әлеге предприятиедә эшлиләр.
Ныклы нигез салып, менә инде 55 ел бу нык һәм тату гаилә туганнары һәм якыннары өчен гаилә мөнәсәбәтләренең үрнәге булып тора. Бүген гаилә парын ике кызлары һәм улы, биш оныклары – аларның иң якын кешеләре, тормышларында иң яратканнары шатландырып яши.