Чистайлылар 2022 елда бер көндә иң күп никах теркәделәр

2022 елның 22 июле, җомга

Чистай муниципаль районы башкарма комитеты ГХАТ бүлегендә 22 нче июль көнне иң күп никах теркәлде – 12 пар үзләренең никахларын законлы рәвештә теркәделәр.

Никах теркәү өчен матур даталар гадәттәгечә яңа өйләнешүчеләр арасында популяр. Быел иң зур кызыксыну һәр айның 22нче санына туры килә. Ике көн эчендә – 2022 елның 22 һәм 23 июль көннәрендә 20 пар үз язмышларын берләштерде.

Яшь парларга тыныч һәм тату яшәүләрен телибез. Гаилә тормышының һәр көне искиткеч әкияткә һәм бәхетле тарихка әверелсен иде.