«Яңа туган балага бүләк» район акциясе

2022 елның 14 июле, пәнҗешәмбе

Нурлат ГХАТ идарәсендә 2022 елның апрелендә «Яңа туган балага бүләк» акциясе старт алды. Атна саен, пәнҗешәмбе көнне истәлекле бүләк тапшыру тантанасы уза.

14 июль көнне Никахлашу сараенда агымдагы елның гыйнвар-февраль айларында туган 8 гаилә парын котладылар. Татарстан Республикасы Нурлат муниципаль районы һәм шәһәре Башлыгы Алмаз Сәлим улы Әхмәтшин әти-әниләрне беренче балалары белән дә, күп балалы гаиләләр статусына күчүе белән дә котлады.