Аксубай районында «Яңа Үзи авылы көне»

2022 елның 10 июле, якшәмбе

2022 елның 10 июлендә «Яңа Үзи авылы көне» җирлек мәйданында якын-тирә авылларда яшәүчеләрне һәм якташларны җыйды. Җырлар, биюләр һәм уеннар бәйрәмнең кабатланмас, күңел күтәренкелеге тудырды.

«Алтын» юбилярлар Сәетгәрәй Сәлимгәрәй улы һәм Заилә Галим кызы Билаловлар хөрмәтенә көчле алкышлар яңгырады. ГХАТ бүлеге җитәкчесе Бөтенроссия Гаилә, мәхәббәт һәм тугрылык көне белән котлады, ә юбилярларга ГХАТ бүлегенең Рәхмәт хаты, «Татар дөньясы» исемле бүләк китабы һәм авыл җирлеге хакимиятеннән кыйммәтле бүләк тапшырылды.