Бөгелмә муниципаль районы башкарма комитеты ГХАТ бүлеге җитәкчесе соңгы кыңгырау бәйрәме белән котлады

2022 елның 24 мае, сишәмбе

24 май көнне чыгарылыш сыйныф укучыларын - Бөгелмә шәһәренең 9 нчы гомуми белем бирү мәктәбенең 11 нче сыйныф укучыларын Соңгы кыңгырау белән Татарстан Республикасы Бөгелмә муниципаль районы Башкарма комитеты ГХАТ бүлеге җитәкчесе Элла Демченко котлады. Ул балаларга имтиханнарда уңышлар һәм үз-үзләренә ышаныч теләде.

“Ышанам ки, сезнең һәрберегез үз юлын таба алачак, ул билгеләнгән максатка китерәчәк. Сезгә зур өметләр йөкләнгән, чөнки безнең районның, республиканың, илебезнең киләчәге нәкъ менә сездән тора. Без һәрвакыт сезнең белән янәшә, без сезне хуплыйбыз, сезнең уңышларыгызга һәм казанышларыгызга шатланабыз”.