Район бала тудыру йортында Актаныш районы ГХАТ бүлеге 2022 елның 50 нче баласына тантаналы шартларда туу таныклыгы тапшырды

2022 елның 26 апреле, сишәмбе

Бәхетле әти - Шаемов Ильназ Ильяс улы һәм әнисе - Шаемова Гөльяр Марсель кызы улларына Ильхан исеме куштылар. Актаныш муниципаль районы Башкарма комитетының ГХАТ бүлеге җитәкчесе Г.Б.Мухамадиева яшь парны беренче балалары туу вакыйгасы уңаеннан котлап, чын күңелдән аларга тигезлек, балаларын сау-сәламәт, бәхетле итеп үстерүләрен теләде. Бәхетле әти- әнигә Республикабыз Президенты Р.Н.Миңнехановның котлавын, туу таныклыгын һәм истәлек бүләкләрен тапшырды.