Түбән Кама муниципаль районы ГХАТ идарәсендә өч игезәк балага тантаналы рәвештә исем кушу чарасы булып узды
2022 елның 24 мартында Түбән Кама шәһәренең Никахлашу сараенда 2022 елда Алмаз һәм Екатерина Юнысовлар гаиләсендә дөньяга килгән өч игезәк балага тантаналы рәвештә исем кушу тантанасы булып узды.
Бәхетле ата-аналар яңа туган малайларны Хәсән һәм Вилдан дип атадылар, ә кечкенә принцесса Вилиянең сирәк исемен алды.
Ир белән хатынның өлкән улы Демид үсеп килә, ул үзенең кече энеләре һәм сеңелләре өчен яклаучы һәм үрнәк булачак.
Истәлекле вакыйга белән Юнысовлар гаиләсен Түбән Кама муниципаль районы Башкарма комитеты җитәкчесе Рамил Хәмзә улы Муллин котлады, истәлекле бүләкләр тапшырды.
Бәйрәм кунаклары алдында ГХАТ идарәсе белгечләре ата – аналарга сабыйларның беренче документларын – туу турында таныклык һәм «Түбән Кама хатын-кызлары» муниципаль берәмлеге исеменнән котлау сүзе тапшырдылар, шулай ук, традиция буенча, исемле метрика һәм истәлекле китаплар бүләк иттеләр.
Шунысын да билгеләп үтәргә кирәк, Түбән Кама районы өчен өч игезәк бала тууны теркәү – сирәк, шуңа күрә истә калырлык вакыйга. Шулай итеп, соңгы 7 елда Түбән Кама муниципаль районы ГХАТ Идарәсе тарафыннан барлыгы 5 шундый очрак теркәлгән – 2016 елда ике гаиләдә, 2018, 2021 һәм 2022 елларда бер гаиләдә.