Югары Ослан муниципаль районында гаилә тормышы юбилярларын хөрмәтләү
2022 нче елның 4 нче мартында Югары Ослан муниципаль районы Башкарма комитеты ГХАТ бүлегендә Гурлолар гаиләсе Михаил улы Михаил һәм Николай кызы Татьянаны, алтын туйларын билгеләп үтүче парлары хөрмәтләү тантанасы булып узды. Аларның гаиләсе хөрмәткә лаек һәм яшь буын өчен үрнәк булып тора. Бу гаиләдә татулык һәм мәхәббәт хөкем сөрә. Ирле-хатынлы бу гаилә 3 бала тәрбияләп үстергәннәр, аларга оныкларының үсеп җитүен күрергә насыйп булган.
Бергә гомер итүләренең 50 еллыгы хөрмәтенә Гурлолар гаиләсенең исемнәре «Районның мактаулы юбилярлары» китабына кертелде, анда алар үз имзаларын куйдылар. ГХАТ бүлеге җитәкчесе Наталья Кадыйрова юбилярларга сәламәтлек, иминлек, тынычлык һәм озын гомер теләп Югары Ослан муниципаль районы башлыгы Марат Зиатдиновның Рәхмәт хатын һәм истәлекле бүләген тапшырды. Юбилярларга Югары Ослан муниципаль районы Куралово авыл җирлеге башлыгы Валерий Квашневтан, балалары һәм оныклары исеменнән бик күп җылы сүзләр әйтелде.