Нурлат районында 2021 елның өченче игезәкләре

2021 елның 30 ноябре, сишәмбе

Яңа кеше туу-ул һәрвакыт могҗиза! Игезәкләр туу-могҗиза гына түгел, ә Аллаһының бүләге! Игезәк балалар дөньяга килгәч, шатлык хисләре тирә-юньдәгеләргә өләшерлек дәрәҗәдә арта. Нәкъ менә шушындый көнне, Элина һәм Эвелина тормышындагы беренче документны аларның әтиләре, Нурлат шәһәрендә яшәүче Илдар Рамил улы Сөлейманов алды.

Бу вакыйганы, чыннан да, үзенчәлекле дип санарга була, чөнки Нурлат районында игезәкләр туу очраклары еш булып тормый. Игезәк балалар туу район өчен яхшы гамәл булсын, ә без сабыйларга сәламәт, нык һәм уңышлы булып үсүләрен телибез!