Аксубай районында ноябрь ае туйлары

2021 елның 7 ноябре, якшәмбе

Ноябрь - никахлашу өчен шактый үзенчәлекле ай. Бу айда өйләнергә киңәш иткән халык сынамышлары да бар. Ноябрь аенда төзелгән никахта муллык һәм иминлек хөкем сөрә, ноябрьдә өйләнергә һичшиксез була. Иң мөһиме - ике йөрәкне кавыштыру өчен яраклы көнне сайлау. Яшь пар Хамитовлар Илнар һәм Зилә 6 ноябрь - Татарстан Республикасы Конституциясе көнендә гаилә корырга карар кылдылар. Аксубай муниципаль районы башкарма комитеты ГХАТ бүлеге белгечләре яшьләргә гармония, үзара хөрмәт һәм зур гаилә бәхете теләделәр.