Чистай ГХАТында таҗик туйлары
2021 елның 28 октябрендә, Халыклар бердәмлеге көне, Туган телләр һәм Халыклар бердәмлеге көнендә, Чистай Никахлашу сараенда Таҗик милли мәдәнияты элементлары белән Сәетов Шөхрәтулла улы һәм Фирдүси Хәкимахонның никахлашу тантанасы узды.
Чистай районы территориясендә төрле конфессияләр, төрле дин, милләт һәм диаспоралар вәкилләре күршелек итә. Алар бер-берсеннән гореф-гадәтләре, мәдәнияте, диннәре белән аерылуга карамастан, барысы да бер-берсе белән аралашалар, тәҗрибә уртаклашалар, үзара тату яшиләр. Алар үз ата-бабаларының гореф-гадәтләрен хөрмәт итәләр, туган телне һәм милли гореф-гадәтләрне саклап, киләчәк буыннарга тапшыралар.
Бүген Таҗик милли гореф-гадәтләре буенча никахлашу тантанасын уздыру районда төрле милләт вәкилләренең дуслыгын тагын бер кат дәлилли.
Чарада катнашучыларны Татарстан Республикасы Чистай муниципаль районы башлыгы урынбасары Михаил Иванович Ксенофонтов, Татарстан Республикасы Чистай муниципаль районы Башкарма комитетының ЗАГС бүлеге җитәкчесе Җәләлова Динара Наил кызы, «Әнәс» мәчете имам - хатыйбы Әбүбәкр хәзрәт Азизов, бер үк вакытта Чистай районында таҗик диаспорасы җитәкчесе котладылар.
Якты милли костюмнар, милли мотивлар, кояш нурлары, болытлы көздә язылышу залы таң калдырды. Халык уен кораллары һәм традицион сый-нигъмәтләр бүгенге тантананың кабатланмас орнаменты булды.