Бүлек белгечләре булачак әниләр белән очрашу уздырдылар
Яшел Үзән муниципаль районы Башкарма комитетының ГХАТ бүлеге белгечләре 28 июнь көнне Яшел Үзән шәһәренең Перинаталь үзәге клиентлары белән чираттагы очрашу үткәрделәр. Очрашу вакытында булачак әниләр баланың тууын теркәү тәртибе, кирәкле документлар исемлеге турында аңлатмалар алдылар. Дәүләт хезмәтләре Порталы аша баланың тууын теркәү мөмкинлегенә аерым игътибар бирелде. Электрон рәвештә гариза бирү бик уңайлы, чөнки гаризаны өйдән шәхси компьютерыннан, ноутбуктан яки телефоннан биреп була. Гариза биргәндә баланың туу турында таныклыгын уңайлы алу өчен вакыт сайларга мөмкин. Очрашуда катнашучылар туу турында таныклыкны рәсмиләштерү тәртибе турында кирәкле мәгълүмат алдылар, шул исәптән электрон рәвештә, кирәкле документлар исемлеге белән.