Чистайның ЗАГС бүлегендә гаилә тормышын алып бару дәресе узды

2019 елның 14 июне, җомга

2019 елның июнендә 11 числосында Чистай муниципаль районы Башкарма комитетының ЗАГС бүлегендә Чистай шәһәренең 5-нчы мәктәбенең 10 нчы сыйныф укучылары белән гаилә тормышын алып бару дәресе үткәрелде.

Чистай муниципаль районы Башкарма комитетының ЗАГС бүлеге җитәкчесе Динара Наилевна Залялова укучыларга язылышу бинасы, гражданлык хәле актларын теркәү тарихы, демографик күрсәткечләр, шулай ук бүлекнең вазифалары турында сөйләде.  Укучылар бик теләп ЗАГСның архив бүлеген, тантана залын карадылар, гаилә тормышының асылын, гаилә төзү, әти-әни булу, туу һәм үлү, аерылышу төшенчәләре турында сөйләштеләр.

Сыйныф җитәкчесе ЗАГС бүлеге җитәкчесенә мөһим, кызыклы мәгълүмат, файдалы экскурсия өчен рәхмәт белдерде.