Баулы укытучысы-ветеран Нина Москвичева 90 яшьлек юбилеен билгеләп үтте

2019 елның 23 гыйнвары, чәршәмбе

Бу көнне Нина Москвичева фатирында аеруча җылы һәм рәхәт иде. Хөрмәтле әниләрен, әбиләрен, яраткан укытучыларын  котларга юбилярның яраткан балалары, оныклары, оныкчыклары, элеккеге укучылары һәм хезмәттәшләре килгән иде.

– Сезне шундый зур юбилеегыз белән котлыйм һәм иң изге теләкләр: сәламәтлек, иминлек, озын гомер телим. Мин бу котлауларны сезгә шәхсән юллый алуыма бик шатмын, чөнки мин-сезнең укучы,  -  диде Баулы районы башлыгы Рамил Гатиятуллин һәм юбилярга чәчәкләр тапшырды.

Нина Георгиевна Москвичева-46 еллык стажы булган тарихчы, хезмәт һәм тыл ветераны, ул  "Отличник народного просвещения  РСФСР”  исеменә ия, медальләр, Мактау грамоталары белән бүләкләнгән.